Tactical-technical characteristics of radar(2)

Tactical-technical characteristics of radar(1) မှာပြောခဲ့တဲ့ characteristics တွေအကြောင်းကိုဆက်မှာပါ။ Tactical characteristics အကြောင်းနဲ့အရင်စလိုက်ကြရ အောင်ဗျာ။ဒီမှာ characteristics ခုနှစ်ခုရှိပါတယ်။

၁။ operating zone of radar
ဒါကတော့လေထုထဲကဧရိယာတစ်ခုပါ။ဘယ်လိုဧရိယာလဲဆိုရင် ကျွန်တော်တို့ရေဒါက အချိန်မလပ်စောင့်ကြည့်နေသော (သို့မဟုတ်) ရေဒါကလက်လှန်းမှီသော (သို့မဟုတ်) object ကိုဖမ်းယူနိုင်သော ဧရိယာဖြစ်ပါတယ်။ ဒီဧရိယာရဲ့အဝေးဆုံးအနားစွန်းကို maximum distance (Rmax) နဲ့ပြပါတယ်။အနီးဆုံးအနားစွန်းကိုတော့minimum distance (Rmin) နဲ့ပြပါတယ်။အနီးဆုံးဘယ်လောက်ကီလိုမီတာကနေ အဝေးဆုံးဘယ်လောက် ကီလိုမီတာအတွင်းမှာဒီရေဒါကဖမ်းနိုင်တယ်ဆိုတာမျိုးပေါ့။ဒီဧရိယာကိုပြောဖို့က ဒီလောက် နဲ့တင်မလုံလောက်သေးပါဘူး။ဘာလို့လဲဆိုတော့ ကျွန်တော်တို့ကလေထု space ထဲက ဧရိယာကိုပြောမှာဆိုတော့ နောက်ထက် parameters တွေလိုပါသေးတယ်။အဲဒါတွေက တော့ azimuth (ရေပြင်ညီအတိုင်း မြောက်အရပ်မှစတင်၍ နာရီလက်တံအတိုင်း တိုင်းတာ သောထောင့် ) နဲ့ angle of elevation (အမြင့်အားဖြင့် မိမိတည်နေရာမှတိုင်းတာလို သည့်အရာဝတ္ထုသို့ ဒေါင်လိုက်တိုင်းတာသောထောင့်) ပဲဖြစ်ပါတယ်။

၂။ resolution
ဒီအပိုင်းမှာ range resolution , velocity resolution , angular resolution ဆိုပြီးသုံးပိုင်းခွဲခြားထားပါတယ်။အကယ်၍ အရာဝတ္ထုနှစ်ခုဟာ angular position တူမယ်၊ တူညီတဲ့အလျင်နဲ့ ရွေ့လျားပျံသန်းလာမယ် ဆိုရင် radar မှာနှစ်ခု အနေနဲ့မြင်ဖို့အတွက် အဲဒီ့အရာဝတ္ထုနှစ်ခု အနည်းဆုံးကွာဝေးရမယ့် အကွာအဝေးကို range resolution လို့ ခေါ်ပါတယ်။ΔR နဲ့ဖော်ပြလေ့ရှိပါတယ်။ အဲဒီ့အကွားအဝေးထက်ပို၍နီးကပ်စွာရွေ့လျား ပျံသန်းလာမယ်ဆိုရင်တော့ radar မှာနှစ်ခုအနေနဲ့မမြင်တော့ပဲ တစ်ခုထဲပဲလို့မြင်ရမှာဖြစ်ပါ တယ်။အလားတူစွာပဲ အကယ်၍ အရာဝတ္ထုနှစ်ခုဟာ angular position တူမယ်၊ တူညီတဲ့အကွာအဝေးကနေရွေ့လျားပျံသန်းလာမယ်ဆိုရင် radar မှာနှစ်ခု အနေနဲ့ register လုပ်နိုင်ဖို့အတွက် အဲဒီ့အရာဝတ္ထုနှစ်ခုရဲ့အလျင်ဟာ အနည်းဆုံးခြားနားရမယ့် တန်ဖိုးကို velocity resolution လို့ခေါ်ပါတယ်။ ΔV နဲ့ဖော်ပြလေ့ရှိပါတယ်။ အလားတူစွာ အကယ်၍သာ အရာဝတ္ထုနှစ်ခုဟာအကွားအဝေးတူမယ်၊ တူညီတဲ့အလျင်နဲ့ ရွေ့လျား ပျံသန်းလာမယ် ဆိုရင် radar မှာနှစ်ခု အနေနဲ့ register လုပ်နိုင်ဖို့အတွက် အဲဒီ့အရာဝတ္ထု နှစ်ခုရဲ့ angular position ဟာအနည်းဆုံးခြားနားရမယ့် တန်ဖိုးကို angular resolution လို့ခေါ်ပါတယ်။

Tactical-technical characteristics of radar(1)

ရေဒါ station တစ်ခုကို ကိုယ်တိုင်ဒီဇိုင်းဆွဲ၊ကိုယ်တိုင်တွက်ချက် တည်ဆောက်တော့မယ် ဆိုရင်ပဲဖြစ်ဖြစ်၊ သူများနိုင်ငံက၀ယ်တော့ မယ်ဆိုရင်ပဲဖြစ်ဖြစ် အရင်ဦးဆုံးသိဖို့လိုတာ ကတော့ Tactical-technical characteristics of radar ပဲဖြစ်ပါတယ်။ဘာလို့လဲဆိုရင် ရေဒါတစ်ခုရဲ့အရည်အချင်း စွမ်းပကားကိုသိချင်ရင်Tactical နဲ့ technical characteristics တွေကိုကြည့်ရလိုပါပဲ။ ဒီရေဒါက ဘယ်အပိုင်းအခြားအကွာဝေး(ဇုံ)အထိဖမ်းယူနိုင်တာလဲ၊ ဘယ်လောက်အလျင်မျိုးနဲ့လာတဲ့ အရာဝတ္တုမျိုးအထိဖမ်းနိုင်မလဲ အစရှိတာတွေကို အခု ကျွန်တော်ပြောမဲ့ characteristics တွေကဖော်ပြမှာဖြစ်ပါတယ်။ဒီမှာမှ Tactical character –istics နဲ့ technical characteristics ဆိုပြီးနှစ်မျိုးဖြစ်နေပါတယ်။အဲဒါကိုကျွန်တော်အရင် ရှင်းပါမယ်။ အဲဒါလေးကဘာမှမဟုတ်ပေမယ့် ဒီမှာအရေးကြီးတဲ့အပိုင်းဖြစ်နေလို့ပါ။ ကျွန်တော်တို့ကို ရေဒါ station တစ်ခုရဲ့ဒီဇိုင်းဆွဲဖို့တာဝန်ပေးပြီဆိုကြပါစို့။တာဝန်ပေးမယ့် သူက engineer ဖြစ်ချင်မှဖြစ်ပါလိမ့်မယ်။ဖြစ်ခဲ့ရင်လည်းသူပေးမယ့် အချက်အလက်တွေက တွက်ချက်မှူအပိုင်းမှာထည့်တွက်ရမယ့် data တွေကိုပေးမှာမဟုတ်ပါဘူး။ တာဝန်ပေး မယ့်သူက ဘယ်လိုရေဒါမျိုးတည်ဆောက်ရမယ်ဆိုတာကိုသိမှာမဟုတ်ပါဘူး။အဲဒီတော့ သူဘာလုပ် ချင်တယ်ဆိုတာပဲပြောမှာပါ။
နားလည်လွယ်အောင် ကျွန်တော်ဥပမာလေးနဲ့ပြောပါမယ်။ computer တစ်လုံးဝယ်မယ် ဆိုကြပါစို့။ ၀ယ်မယ့်သူက computer အကြောင်းနားမလည်ဘူးဆိုရင် သူကိုကျွန်တော်တို့ မေးဖို့လိုတာက ကွန်ပြူတာကိုသူဘာအတွက်အသုံးချမလဲဆိုတာမဟုတ်ဘူးလား။ အဲဒီ ရည်ရွယ်ချက်တော့သူမှာရှိကိုရှိမယ်လေ။သူအနေနဲ့ဒါကိုပြောလည်းပြောတတ်ပါလိမ့်မယ်။ ဆိုပါစို့ရဲ့။သူက vedio editing လုပ်ချင်တယ်လို့ပြောရင် ကျွန်တော်တို့က graphic card ကောင်းကောင်းလေးနဲ့ဆင်ပေးရပါလိမ့်မယ်။ data တွေခပ်များများသိုလှောင်အသုံးပြု ချင်တယ်ဆိုရင်တော gigabyte များတဲ့ hard disk လေးသုံးပေးရမယ်မဟုတ်လားဗျာ။

Doppler- Effect

ကျွန်တော်တို့ radar technology မှာ Doppler- Effect ကို ပြသနာနှစ်ခုနဲ့ ပတ်သတ်တဲ့နေရာ တွေမှာသုံးပါတယ်။ အဲဒါတွေကတော့ အလျင် speed ကို တိုင်း တာခြင်း နဲ့ ရွေ့လျားနေတဲ့ပစ်မှတ်တည်နေရာကို ညွှန်ပြခြင်းတွေပဲ ဖြစ်ပါတယ်။Doppler- Effect ဆိုတာကတော့ sound source က နားထောင်သူနဲ့တဖြည်းဖြည်း ဝေးသွားတဲ့ အချိန်မှာပဲဖြစ်ဖြစ် နီးလာတဲ အချိန်မှာပဲဖြစ်ဖြစ်(ဒါမှမဟုတ်) နားထောင်သူ က sound source နဲ့ တဖြည်းဖြည်းဝေး သွားတဲ့အချိန်မှာပဲဖြစ်ဖြစ်နီးလာတဲ့အချိန် မှာပဲဖြစ်ဖြစ် frequency ထဲမှာသိသိသာသာပြောင်းလဲသွားတဲ့ အပြောင်း အလဲ ကိုခေါ်ပါတယ်။ဒီနိယာမသဘောတရားကိုရှာဖွေတွေ့ရှိခဲ့တာကတော့ဂျာမနီသိပ္ပံပညာ ရှင် Christian Doppler ဖြစ်ပါတယ်။ကဲ…အပေါ်မှာ ပြောခဲ့တဲ့ပြောင်းအလဲဆိုတာလေးကို နည်းနည်းပိုတိကျအောင်ပြောကြရအောင်။ဒါမှလည်း Doppler-Effect ဆိုတာကိုသေသေ ချာချာ နားလည်မှာပါ။ ဆိုကြပါစို့ရဲ့…..ကျွန်တော်တို့ခုဥပမာအနေနဲ့လေ့လာမဲ့ အသံလှိုင်း တစ်ခုရဲ့ frequency နဲ့ wavelength ဟာကိန်းသေတွေဖြစ်နေကြတယ်ဆိုကြပါစို့။အကယ်၍ ကျွန်တော် တို့ရဲ့ အသံလှိုင်းကိုထုတ်မဲ့ source ကလည်းရွေ့လျားမနေဘူး ၊ဖမ်းမဲ့ receiver ကလည်း ရွေ့လျားမနေဘူးဆိုရင် receiver ကဖမ်းမိမယ့် frequency ဟာလည်းပြောင်းလဲမှူ ရှိမှာမဟုတ်ပါဘူး။ဘာကြောင့်လည်းဆိုရင် အသံ source ကနေထုတ်လိုက်တဲ့အတိုင်း တစ်မိနစ် မှာလှိုင်းအရေအတွက်ဘယ်လောက်ဆို ဘယ်လောက် receiver ကကွက်တိပြန် ဖမ်းမိလို့ပါ။ကဲလာပြီ…စရွေ့ကြမယ်….။အကယ်၍ အသံ source ကပဲဖြစ်ဖြစ် receiver ကပဲ ဖြစ်ဖြစ် အခြားတစ်ခု ရှိရာကိုရွေ့လျားလာမယ်ဆိုရင် receiver ကခုန နှစ်ခုလုံးရွေ့လျားမနေ တုန်းကမိတဲ့ frequency ထက်ပိုများတဲ့ frequency ကိုမိမှာပါ။ရှင်းပါတယ်။အသံနဲ့နီးရာကိုပဲ ကျွန်တော်တို့ကသွားသွား အသံကပဲကျွန်တော်တို့နဲ့နီးရာကို ပဲလာလာ ကြားနေရတဲ့အသံ ပိုကျယ်လာမယ်မဟုတ်လား။ဒီသဘောပါပဲ။ပြောင်းပြန်အားဖြင့်ဝေးတဲ့ဘက်ကို တစ်ခုခုက သွား မယ်ဆိုရင် receiver ကခုန နှစ်ခုလုံးရွေ့လျားမနေ တုန်းကမိတဲ့ frequency ထက်နည်းတဲ့ frequency ကိုမိမှာပါ။ဒါလည်းရှင်းပါတယ်။အသံနဲ့ဝေးရာကို ကျွန်တော်တို့ကသွားသွား အသံကပဲကျွန်တော်တို့နဲ့ဝေးရာကိုသွားသွား ကြားနေရတဲ့အသံ တိုးသွားမယ်မဟုတ်လား။

Two dimensional discrete signal

Two dimensional discrete signal ဆိုတာ ကိန်းပြည့်စုံတွဲတွေကို order အလိုက်စီစဉ်ပြီး ပေါင်းထားတဲ့ function ပဲဖြစ်ပါတယ်။equation ကိုကြည့်လိုက်ပါ။ရှင်းသွားပါလိမ့်မယ်။
X={ x(n1,n2), -∞< n1 , n2 <∞ }
Sequence မှာပါတဲ့ element တစ်ခုချင်းစီကို counter လို့ခေါ်ပါတယ်။ဒီလိုဆိုရင် x(n1,n2) ဆိုတာဟာ (n1,n2) ဆိုတဲ့ အမှတ်မှာရှိတဲ့ counter x လို့ပြောခြင်းပဲဖြစ်ပါတယ်။counter တွေ ရဲ့တန်ဖိုးက real ကိန်းဖြစ်နိုင်သလို complex ကိန်းတွေလည်းဖြစ်နိုင်ပါတယ်။ တကယ်လို့ n1 နဲ့ n2 ဟာကိန်းရှင်တွေဖြစ်မယ်ဆိုရင်x(n1,n2) ဆိုတဲ့ဖော်ပြချက်ဟာကိန်းစဉ်တန်းတစ်ခုလုံးရဲ့ သင်္ကေတအဖြစ်ကြည့်ရှူရပါတယ်။ဒီလိုသင်္ကေတဟာဆီလျော်ညီညွတ်ခြင်းမရှိပေမယ့်လည်း နည်းပညာဆိုင်ရာစာပေတွေမှာ ကျယ်ကျယ်ပြန့်ပြန့်အသုံးပြုကြပါတယ်။

Multidimensional signal

Multidimensional signal တွေကိုကိန်းရှင်ဖြစ်နေတဲ့ function M နဲ့ဖော်ပြလေ့ ရှိပါတယ်။အဲဒီ့ မှာ M ရဲ့တန်ဖိုးဟာနှစ်နဲ့ညီရင်ညီ ၊ မညီရင်နှစ်ထက်ကြီးရပါမယ်။ဒီလို signal တွေက ဘယ်လိုsignalမျိုးတွေလည်းလို့မေးစရာရှိလာပါတယ်။ ဒီလို signal တွေကတော့ continuous signal လည်း ဖြစ်နိုင်သလို discrete လည်းဖြစ်နိုင်ပါတယ်။ဒီ့အပြင် mixed signal တွေလည်းဖြစ်နိုင်ပါသေး တယ်။Continuous signal တွေကိုပြောင်းလဲနေသော function အဖြစ် ဖော်ပြလေ့ရှိပါတယ်။ ဥပမာ - ပုံရိပ်ပြင်းအား I(x,y) ဟာ two dimensional continuous signal ဖြစ်ပါတယ်။ ဒီ signal ကိုပဲ discrete အနေနဲ့ပြောင်းလဲဖော်ပြမယ်ဆိုရင် များပြားလှစွာသောအမှတ်တွေနဲ့ သတ်မှတ်မှာဖြစ်ပါတယ်။ လာပါပြီဗျာ…mixed signal တဲ့။သူကကျွန်တော်တို့ ခုပြောနေတဲ့ multidimensional signal မျိုးပါပဲ။သူကိုကျတော့ continuous signal တွေရဲ့ တချို့ properties တွေနဲ့ရော discrete တွေရဲ့တချို့ properties တွေနဲ့ပါဖော်ပြပါတယ်။

Physical basic of radar

Radio wave တွေရဲ့ scattering ဟာ Physical basic of radar မှာ အခြေခံကြတဲ့ concept ဖြစ်ပါတယ်။ ကျွန်တော်တို့ ပစ်မှတ်တစ်ခုကိုဖမ်းယူတဲ့အခါ အဲဒီပစ်မှတ်နဲ့ ပတ်ဝန်းကျင်အလွှာတစ်ခုခု (ဥပမာ - လေထု၊ ရေထု အစရှိသဖြင့်) တို့ရဲ့ electric permeability, magnetic permeability နဲ့ electroconductivity မတူညီမှုကြောင့် ပစ်မှတ်ကိုထိရိုက်တဲ့အခါ Radio wave တွေရဲ့ scattering ဟာလည်း အမျိုးမျိုးကွဲပြားခြားနားနေပါတယ်။ scatter intensity (သို့မဟုတ်) reflected intensity ဟာ အောက်ပါအချက်အလက်များပေါ်မူတည်နေပါတယ်။

-         ပစ်မှတ်နှင့် ပတ်ဝန်းကျင်အလွှာတို့၏ electrical characteristic ကွဲပြားမှုပမာဏ

-         ပစ်မှတ်၏ ပုံသဏ္ဍာန်

-         ပစ်မှတ်၏အရွယ်အစားနှင့် လှိုင်းအလျားတို့၏ အချိုး

-         Radio wave ၏ polarization ။

Receiving antenna ၊ receiving device တို့၏ အကူအညီနှင့် scattering ရဲ့ အစိတ်အပိုင်း တစ်ချို့ကို ဖမ်းယူပြီး ပစ်မှတ်ရှိမရှိကို ဆုံးဖြတ်နိုင်ပါတယ်။ ဤနည်းအားဖြင့် အရိုးရှင်းဆုံးရေဒါတွေဟာ transmitter ၊ transmitting antenna ၊ receiving antenna ၊ receiver နှင့် output device တို့ဖြင့်တည်းဆောက်ထားပါတယ်။ transmitter မှ radio signal ကို ထုတ်လုပ်ပေးပြီး ၄င်းကို transmitting antenna မှ လွှင့်ထုတ်ပါတယ်။ ပစ်မှတ်နှင့်ထိမှန်ပြီး ပြန်လာသော scattering ရဲ့ အစိတ်အပိုင်းတစ်ချို့ကို receiving antenna မှဖမ်းယူပြီး receiver တွင် signal ရဲ့ပါဝါကို မြှင့်တင်ပြီး transform ပြန်လုပ်ပါတယ်။ ထို့နောက် output device မှ ပစ်မှတ်ရှိမရှိကို ဆုံးဖြတ်ပါတယ် ပုံ(၁)။

 ပုံ (၁) operating principle of simple radar

ယေဘူယျအားဖြင့် ဖမ်းမိတဲ့ signal ရဲ့ amplitude (သို့မဟုတ် power) ဟာ နည်းနေပြီး signal ကိုယ်တိုင်မှာလည်း random character ရှိနေတတ်ပါတယ်။ signal ရဲ့ ပါဝါနည်းနေရခြင်းကတော့ မိမိဖမ်းလိုသည့်ပစ်မှတ်ဟာ ဝေးကွာလွန်းခြင်း၊ propagation ဖြစ်နေသောအချိန်တွင် signal ရဲ့ energy ကို ကျဆင်းခြင်းတို့ကြောင့်ပဲဖြစ်ပါတယ်။ အဲဒါတင်မကပဲ ပစ်မှတ်ရဲ့ အရွယ်အစားကလည်း reflected intensity ကိုလွှမ်းမိုးနေပါသေးတယ်။ ရှုပ်ထွေးသောပုံသဏ္ဍာန်ရှိတဲ့ ပစ်မှတ်ရဲ့ ကျပန်းရွေ့လျားမှု ၊ multipath propagation ၊ signal ရဲ့ amplitude ကို တိကျစွာတိုင်းတာနိုင်မှု မရှိခြင်း အစရှိတဲ့အချက်တွေကြောင့်လည်း reflected signal ဟာ fluctuations ဖြစ်နေလေ့ရှိပါတယ်။ ဒါကြောင့် နောက်ဆုံးဖမ်းမိတဲ့အချိန်မှာ signal ရဲ့ intensity တွေ၊ ပြောင်းလဲမှု ပုံသဏ္ဍာန်တွေဟာ disturbance တွေ၊ noise တွေနဲ့ တူနေပါတယ်။ ဒါကြောင့် ရေဒါတစ်လုံးရဲ့ ပထမဆုံးနဲ့ အခြေခံအကျဆုံးအလုပ်က ပစ်မှတ်ရှိမရှိရှာဖွေခြင်း ပဲဖြစ်ပါတယ်။ ဒီအလုပ်ကို entrance realization လို့ခေါ်ပါတယ်။ ဒီ statistic problem ကို detector ကနေ အကောင်းဆုံး algorithm ကိုအသုံးပြုပြီး ဖြေရှင်းပါတယ်။ detector processor အရည်အသွေးဟာ correct detection ရဲ့ဖြစ်နိုင်ခြေ (D) နဲ့ false-alarm probability (F) တို့နဲ့သက်ဆိုင်နေပါတယ်။ D ဆိုတာကတော့ ပစ်မှတ်ရှိတဲ့အချိန် detector ကနေ ပစ်မှတ်ရှိတယ်လို့အမှန်ပြတဲ့ ဖြစ်နိုင်ခြေဖြစ်ပါတယ်။ F ဆိုတာကတော့ ပစ်မှတ်ရှိတဲ့အချိန် detector ကနေ ပစ်မှတ်မရှိဘူးလို့မှားပြတဲ့ ဖြစ်နိုင်ခြေဖြစ်ပါတယ်။ အဲတော့ရှင်းပါတယ်။ D များလေလေ ၊ F နည်းလေလေ detector ကကောင်းလေလေပဲဖြစ်ပါတယ်။

Elementary concepts of radar

Elementary concepts

ရေဒါဆိုတာ ပစ္စည်းတစ်ခုကိုရှာဖွေတဲ့ (detection) ၊ တည်နေရာညွှန်ပြနိုင်တဲ့ (location) အီလက်ထရောနစ် စနစ်တစ်ခုရဲ့ နာမည်တစ်ခုပဲဖြစ်ပါတယ်။ ရေဒါဘာသာစကားအနေနဲ့ ရေဒါနဲ့ဖမ်းမယ့် ပစ္စည်းကို ပစ်မှတ်လို့ခေါ်ဝေါ်သုံးစွဲပါတယ်။ ရေဒါ (radar) ဆိုတဲ့စာလုံးကတော့ radio detection and ranging ကနေ အတိုကောက်ယူသုံးထားတာဖြစ်ပါတယ်။ ရေဒါသမိုင်းအစပိုင်းမှာ ကမ္ဘာအနှံ့အပြား အမျိုးမျိုးခေါ်ဝေါ်သုံးစွဲခဲ့ကြပါတယ်။ ခုချိန်မှာတော့ အားလုံးက ရေဒါဆိုတဲ့စာလုံးကို ဘုံလက်ခံသုံးစွဲနေကြပြီဖြစ်ပါတယ်။ ရေဒါပညာရပ်ဟာ လျပ်စစ်သံလိုက်လှိုင်း (Electromagnetic waves) နဲ့ အများကြီး ဆက်စပ်နေပါတယ်။ ရေဒါသမိုင်းရဲ့ စဦးကာလက ရေဒါတွေအားလုံးဟာ ရေဒီယိုလှိုင်း (radiowaves) တွေကိုအသုံးပြုခဲ့ကြပါတယ်။ ဒါမယ့် ဒီကနေ့ဒီအချိန်တွေမှာတော့ တစ်ချို့သော ရေဒါတွေဟာ optical waves တွေကိုအသုံးပြု နေကြတာတွေရှိပါတယ်။ အဲလိုရေဒါမျိုးကို ladar လို့ခေါ်ပါတယ်။ ၁၈၆၅ ခုနှစ်မှာပေါ်ထွက်လာတဲ့ Maxwell ရဲ့ electromagnetic wave propagation theory နဲ့ အဲဒီသီအိုရီကို သက်သေပြတဲ့ ၁၈၈၆ ခုနှစ်မှာ ပေါ်ထွက်လာတဲ့ Hertz ရဲ့ experimental work ဟာရေဒါရဲ့ အစောဆုံးရေသောက်မြစ် ဖြစ်ပါတယ်။ အဲဒီ experimental work က radio waves တွေဟာ ပစ္စည်းတစ်ခုခုကိုရိုက်ပြီး ပြန်လာနိုင်တယ်ဆိုတာကို သက်သေပြနိုင်ခဲ့ပါတယ်။ ဒီအချက်ဟာ ရေဒါရဲ့ အဓိကအလုပ်ဖြစ်တဲ့ ပစ္စည်းတစ်ခုခု (ပစ်မှတ်) ရှိမရှိဆိုတာကိုဖော်ထုတ်နိုင်ဖို့အတွက် အခြေခံဖြစ်လာ ခဲ့ပါတယ်။

၁၉၀၃ နဲ့ ၁၉၂၅ ခုနှစ်တွေအတွင်းမှာ ပစ်မှတ်ရှိမရှိရှာဖွေတာအပြင် ပစ်မှတ်ရဲ့ တည်နေရာကိုပါ တိုင်းတာနိုင်တဲ့ ရေဒါအမျိုးမျိုးပေါ်ထွက်လာခဲ့ပါတယ်။ ၁၉၂၅ ခုနှစ်မှာ Briet နဲ့ Tuve တို့က ပစ်မှတ်တည်နေရာ အကွာအဝေးတိုင်းတာဖို့ စတင် တီထွင်အသုံးပြုခဲ့တဲ့ pulse – wave methods ကို ယခုခေတ်သစ်ရေဒါဒီဇိုင်းတွေမှာ ကျယ်ကျယ်ပြန့်ပြန့်အသုံးပြုနေကြပါတယ်။ ရေဒါပညာရပ်ဟာ ဒုတိယကမ္ဘာစစ်ကာလမှာ သိသိသာသာ တိုးတက်လာခဲ့ပါတယ်။ အဲဒီ့အချိန်ကတည်းက ရေဒါပညာရပ်ရဲ့ဖြစ်ပေါ်တိုးတက်မှုတွေဟာ ဒီကနေ့ဒီအချိန်ထိ အရှိန်အဟုန်နဲ့ တိုးတက်နေဆဲ ဖြစ်ပါတယ်။ ရေဒါပညာရပ်မှာ ရှာဖွေတွေ့ရှိ တီထွင်ခဲ့တာတွေများစွာ ရှိနေပေ မယ့်လည်း ရှေ့ကိုဆက်လက်ရွှေ့လျား ပြိုင်ဆိုင်လေ့လာနေရဆဲ ပညာရပ်တစ်ခုဖြစ်ပါတယ်။

ရေဒါဆိုတာဘာလဲ

ရေဒါဆိုတာဘာလဲ လို့ အကြမ်းဖျဉ်း ကျွန်တော်ကိုမေးလာရင် ကျွန်တော်လွယ်လွယ်လေး ရှင်းပြနိုင်ပါတယ်။ တကယ်လည်းရေဒါရဲ့ အခြေခံသဘောတရားက မခက်လှပါဘူး။ ဥပမာ-ကျွန်တော်တို့ရေတွင်း တစ်တွင်းနားကပ် အောက်ကိုငုံ့ကြည့်ပြီး အသံခပ်ကျယ်ကျယ်လေး အော်လိုက်တယ် ဆိုကြ ပါစို့ရဲ့။ ကျွန်တော်တို့ အော်လိုက်တဲ့အသံဟာ အောက်ကိုတောက်လျှောက်ဆင်းသွားမယ်ဆို တာ ငြင်းစရာမရှိပါဘူး။ အဲဒီ့နောက် အသံဟာရေတွင်းအောက်ခြေမှာရှိတဲ့ ရေမျက်နှာပြင်နဲ့ ရိုက်ပြီး ကျွန်တော်တို့ဆီပြန်လာပါလိမ့်မယ်။ဒါကြောင့်လည်း echoes သံကို ကျွန်တော်တို့ ပြန်ကြားရကြအုံးမယ်မဟုတ်လား။တကယ်လို့သာ ကျွန်တော်တို့က echoes ပြန်လာတဲ့အသံ ကိုဘယ်အချိန်မှာပြန်ကြားရလည်းဆိုတဲ့ time taken ကိုတိုင်းမှတ်ထားမယ်၊အသံရဲ့ အလျင် speed ကိုလည်းသိမယ်ဆိုရင် ရေတွင်းရဲ့အနက်ကိုတွက်ထုတ်လို့မရဘူးလားဗျာ။ ရေဒါရဲ့ အခြေခံသဘောတရားဟာလည်းဒါပါပဲ။ရှင်းရှင်းလေးပါ။ station ရဲ့ antenna ကနေ signal တစ်ခုကိုလွှင့်ထုတ်လိုက်ပါမယ်။အဲဒီ့ signal ဟာ ကျွန်တော်တို့ရဲ့ ရည်ရွယ်ချက်အရာ ၀တ္တုကိုတိုက်ပြီး ပြန်လာပါမယ်။ဒီ reflected signal ကိုပြန်ဖမ်းပြီး ဘယ်အကွာအဝေးမှာ ရှိတယ်၊ (လှုပ်ရှားနေရင်လည်း) ဘယ်အရပ်ဒေသကိုဦးတည်ပြီးလာနေတယ်၊ဘယ်လောက် အလျင်နဲ့လာနေတယ် အစရှိတာမျိုးတွေကိုတွက်ထုတ်တာပါပဲ။ ဒါကတော့လုံးဝရိုးရှင်းတဲ့ ရေဒါရဲ့အခြေခံသဘောတရားလေးပါပဲ။ နည်းပညာပိုင်းအားဖြင့်အသေးစိတ် သိရှိလေ့လာလိုတယ်ဆိုရင်တော့ အခြားပို့စ်များကိုပါ ဖတ်မှသာ ခြုံငုံသိရှိနိုင်မှာဖြစ်ပါတယ်။